الشحن والتوصيل
كل قطعة في Diamo بتتطلب مخصوص عشانك من المتجر الرسمي للماركة. أسعارنا شاملة الشحن الدولي والجمارك.
- مدة التوصيل: من ٧ لـ ٢١ يوم من تأكيد الطلب.
- أماكن التوصيل: كل محافظات مصر.
- مدة التوصيل ممكن تتأخر شوية في الأعياد ومواسم الأوكازيون أو تأخير الجمارك، وهنبلغك على واتساب في كل خطوة.
- من فضلك اتأكدي إن الاسم ورقم التليفون والعنوان صح عشان مايحصلش تأخير.
مصاريف التوصيل
- التوصيل مجاني على كل الطلبات، لأي مكان في مصر.
الدفع
١. مقدم لتأكيد الطلب
عشان كل قطعة بتتشترى مخصوص عشانك، بنطلب مقدم ٥٠٪ من قيمة الطلب لتأكيده. الـ ٥٠٪ الباقيين بيتدفعوا كاش للمندوب وقت الاستلام.
٢. ليه بنطلب مقدم؟
- تأكيد الطلب: إحنا بندفع للماركة المبلغ كامل أول ما نطلب، فالمقدم بيحجزلك القطع.
- تنفيذ أسرع: الطلبات المؤكدة بتتطلب من الماركة على طول، قبل ما المقاسات تخلص.
٣. إزاي تكملي طلبك
- اعملي الطلب من الموقع.
- فريقنا هيكلمك على واتساب بطرق دفع المقدم (إنستا باي، تحويل بنكي أو محفظة موبايل زي فودافون كاش).
- ابعتيلنا صورة التحويل وحالة طلبك هتتغير لـ قيد التنفيذ.
الإلغاء
- قبل ما نطلب من الماركة (غالبًا خلال ٢٤ ساعة): تقدري تلغي والمقدم بيرجعلك كامل.
- بعد ما نطلب: القطع اتشرت عشانك خلاص، فمينفعش نلغي الطلب والمقدم مش بيرجع.
- رفض الاستلام: لو الطلب اترفض لأي سبب غير إن المنتج غلط أو فيه عيب، المقدم بيتخصم لتغطية تمن القطع والتوصيل رايح جاي.